Mae’r llawlyfr hwn wedi ei gynllunio i gynorthwyo athrawon wrth iddyn nhw gyflwyno hawliau dynol i blant 3-5 oed. Dyma’r man cychwyn perffaith i gynnwys plant mewn trafodaeth er mwyn codi ymwybyddiaeth o’u hawliau eu hunain mewn ffordd ddifyr a rhyngweithiol.

Mae Camau Cyntaf yn cynnwys pum cynllun gwers ar themâu penodol sy’n canolbwyntio ar erthyglau perthnasol yn y Datganiad Cyffredinol o Hawliau Dynol sy’n ymdrin â theimladau, perthnasoedd a pherthyn, dewisiadau a lleisiau, lles a chyrff.

Mae’r gweithgareddau’n cynnwys storïau, gemau, cerddoriaeth, celf a ffotograffiaeth.